საქართველოს მესამე პრეზიდენტმა "რუსთავი 2"-ისთვის მიცემულ ინტერვიუში, საქართველოს ხელისუფლების მხრიდან მისთვის მოქალაქეობის ჩამორთმევაზე ისაუბრა.

მისი თქმით, მას საქართველოს მოქალაქეობა ბიძინა ივანიშვილის დავალებით, პრეზიდენტმა მარგველაშვილმა წაართვა.

"საქართველოს მოქალაქეობა მე ჩამომართვა ივანიშვილის მითითებით მარგველაშვილმა, ეს იყო დიდი უსამართლობა. ბრალდებები არის სრული იდიოტიზმი, ვაცლავ ჰაველის საფლავზე გვირგვინის მიტანა, რამდენიმე კოსტუმი, ვფიქრობ ხომ არ ჩამოვიტანო და მართლა ხომ არ ჩავიცვა ის კოსტიუმები და ვისარგებლო ჩემი ,,კორუფციის ნაყოფით“.

ევროპაში როცა არის ასეთი ბრალდებები არ აკავებენ, მიდის სასმართლოში აძლევს ჩვენებებს, მაგალითად სარკოზი და თ დაუმტკიცდა მიდის ციხეში. მე რა უნდა დამიმტკიცონ, რომ არ ვარ აქლემი? ივანიშვილს უნდა გამიკეთოს ის რაც გაუკეთა, ვანოს ბაჩოს...

4 წელი უნდოდა ციხეში ვყოფილიყავი და ჩამოვეშორებინე პოლიტიკურ ცხოვრებას, ეს იყო პუტინის დაკვეთა. მათ თქვეს რომ ჩვენი დავალებაა ივანიშვილმა გაასამართლოს სააკაშილი. აქ ემთხვევა პოროშენკოს ინტერესები. მაგრამ რა არის ქართველი ხალხის ინტერესი? პირველი პრეზიდენტი მოკლეს და ახლა მესამე პრეზიდენტს რუსეთის დაკვეთით არ უშვებენ საქართველოს ტერიტორიაზე. რაზე უნდა ვაგო პასუხი? თითიდან გამოწოვილი ჭირვეული ოლიგარქის ავადმყოფურ ფანტაზიებზე? თუ ასე გადაწყვეტენ ჩემს განადგურებას, მაშინ ყველანი უნდა ვიყოთ მზად, ეს იქნება ქართველი ხალხის გადაწყვეტილება, ხართ თუ არა მზად თქვენი პასიურობის პირობებში ივანიშვილმა გაანადგუროს ქართული სახელმწიფოებრიობა. ჩვენ ეს შევქმენით და ახლა საკითხი დგას სხვანაირად. პუტინმა შეიძლება აასრულოს თავისი საბოლოო გეგმები. მე ყველა სცენარისთვის მზად ვარ. ჩემი ცხოვრება ეკუთვნის საქართველოს და უკრაინასაც. მოდით ახლა ყველამ ერთად მივიღოთ გადაწყვეტილება -ჩვენ რა რეაქცია გვექნება პუტინურ სცენარზე?"- განაცხადა სააკაშვილმა.