"სააკაშვილის ექსტრადირებაზე მოთხოვნა 2017 წელს არ მიგვიღია"- უკრაინის გენპროკურატურა

პოლიტიკა - 15:25, 07 Sep, 2017

1582

საქართველოს მესამე პრეზიდენტის, ოდესის ყოფილი გუბერნატორის ექსტრადირებასთან დაკავშირებით ქართული მხარისგან 2017 წელს უკრაინის პროკურატურას მოთხოვნა არ მიუღია. ამის შესახებ ინფორმაციას „რადიო თავისუფლება“ ავრცელებს, იმ პასუხის საფუძველზე, რომელიც მათ სააკაშვილთან დაკავშირებით უკრაინის გენერალური პროკურატურისგან მიიღეს.

„უკრაინის გენერალურ პროკურატურაში აცხადებენ, რომ 2017 წელს საქართველოს კომპეტენტური ორგანოებისგან საქრთველოს ყოფილი პრეზიდენტისა და ოდესის ექს-გუბერნატორის გადაცემასთან დაკავშირებით მოთხოვნა არ მიუღიათ“- წერს „რადიო თავისუფლება“

უკრაინის გენერალური პროკურატურის ინფორმაციით, მიხეილ სააკაშვილი ძებნის, დაკავებისა და ექსტრადიციის მოთხოვა ქართული მხარისგან 2014 და 2015 წლებში მიიღეს. აღსანიშნავია რომ 2015 წლის მარტში უკრაინის მხარემ სააკაშვილის ქართული მხარის გადაცემაზე უარი თქვა.

შეგახსენებთ, უკრაინის იუსტიციის მინისტრის მოადგილემ ევროინტეგრაციის საკითხში, სერგეი პეტუხოვმა პრესკონფერენციაზე განაცხადა, რომ უკრაინამ სააკაშვილთან დაკავშირებით საექსტრადიციო შემოწმება დაიწყო, მისის თქმით უკრაინამ საქართველოსგან მიიღო მოთხოვნა სააკაშვილის ექსტრადიციასთან დაკავშირებით.