აფხაზეთი "არაღიარებულ ქვეყანათა მსოფლიო ჩემპიონატში" მიიღებს მონაწილეობას, რომელიც ლონდონში გაიმართება

პოლიტიკა - 14:15, 07 Sep, 2017

1430

ოკუპირებული აფხაზეთის ე,წ საფეხბურთო ნაკრები, არაღიარებული ქვეყნების მსოფლიო ჩემპიონატში აპირებს მონაწილეობას, რომელიც 2018 წლის ივნისის თვეში ლონდონში ჩატარდება. ამის შესახებ ინფორმაციას დე ფაქტო აფხაზეთის ფეხბურთის ფედერაცია ავრცელებს.

„ინგლისი იყო ერთ-ერთი იმ ქვეყანათაგანი, რომელმაც ჩემპიონატის ჩატარებაზე თანხმობა განაცხადა. იყვნენ სხვა ქვეყნებიც, მაგალითად ყირიმის რესპუბლიკამაც გამოთქვა ტურნირის ჩატარების სურვილი.“- განაცხადა ConIFA-ს ვიცეპრეზიდენტმა დმიტრი ფაღავამ. მისი თქმით ლონდონი საუკეთესო პირობების შეთავაზების გამო იქნა შერჩეული და ჩემპიონატის ორგანიზებასა და ჩატარებას საკუთარ თავზე მსხვილი ინგლისური საბუკმეიკერო კომპანია იღებს.

ოკუპირებული აფხაზეთის ე.წ ნაკრები ამ „ჩემპიონატის“ 2016 წლის გამარჯვებულია.

ConIFA-ს ვიცე-პრეზიდენტის განცხადებით ჩემპიონატში პირველად მიიღებენ მონაწილეობას გუნდები აფრიკიდან, აზიიდან, ევროპიდან, ჩრდილოეთ ამერიკიდან და ოკეანეთიდან, ასევე საქართველოს სეპარატისტული რეგიონის აფხაზეთის გარდა მონაწილეობას ღებულობენ არაღიარებული ქვეყნები და რეგიონები: ბარაუა (სომალი), მეტებელელენდი (ზიმბაბვე), კაბილია (ალჟირი), ტიბეტი, თამილ ილამი (შრი-ლანკა), გაერთიანებული კორეელები (იაპონია), პანჯაბი (ინდოეთი) პადანიის (იტალია), ჩრდილოეთ კვიპროსი, დასავლეთ სომხეთი (თურქეთი), მენის კუნძული (დიდი ბრიტანეთი) ფელვიდეკას (სლოვაკეთი), სეკეიის მხარე (რუმინეთი), კასკადია (ამერიკა,კანადა) კირიბა (ოკეანეთი)