"კონსტიტუციურ პროექტში ვერანაირი პრინციპული საკითხი ვეღარ გადაიხედება"- თამარ ჩუგოშვილი

პოლიტიკა - 13:11, 07 Sep, 2017

1295

პარლამენტის პირველ ვიცე-სპიკერს, თამარ ჩუგოშვილის თქმით, კონსტიტუციურიპროექტის გადახედვას გამორიცხავს.

„პროპორციული სისტემა მესამე მოსმენის საკითხი არ არის, რადგან ჩვენ რედაქციული შესწორებების ეტაპზე ვიმყოფებით. კონსტიტუციურ პროექტში ვერანაირი პრინციპული საკითხი ვეღარ გადაიხედება. ამიტომ, რედაქციული ხასიათის შენიშვნების გათვალისწინების სივრცე არსებობს, თუკი ასეთი იქნება“, - განაცხადა უმრავლესობის წევრმა.

როგორც ჟურნალისტებს ჩუგოშვილმა განუცხადა, საბოლოო დოკუმენტი, რომელსაც ვენეციის კომისია გამოაქვეყნებს, ძირითადად იმის ანალიზი იქნება, თუ რამდენად გაითვალისწინა ქვეყანამ მათ ძირითად დასკვნაში მოცემული რეკომენდაციები.

"ინიცირებულ ტექსტთან დაკავშირებით, ვენეციის კომისიის პირველი რეკომენდაციები უკვე მიღებული გვაქვს, რომელიც უფრო მეტად მეორე ხარისხოვან საკითხებს ეხებოდა, რადგან ვენეციის კომისია პოლიტიკურ საკითხებზე დოკუმენტის სულისკვეთებას ფაქტიურად ითვალისწინებდა და იზიარებდა. ფაქტობრივად, ყველა რეკომენდაცია გავითვალისწინეთ, რაც დოკუმენტში იყო ასახული. შესაბამისად, ველოდებით, რომ უშუალოდ დოკუმენტის შინაარსთან დაკავშირებით, ვენეციის კომისიის საბოლოო დასკვნა ცალსახად დადებითი და პოზიტიური უნდა იყოს“, - განაცხადა ჩუგოშვილმა.