აზიური ფაროსანას წინააღმდეგ 82 500 ჰექტარია დამუშავებული

პოლიტიკა - 12:49, 07 Sep, 2017

1056

აზიური ფაროსანას საწინააღმდეგო ღონისძიებების განხორციელების მიზნით, დასავლეთ საქართველოში სოფლის მეურნეობის სამინისტროს დამატებითი ტექნიკაა მობილიზებული. მავნებლის გავრცელების კერებში 30 ერთეული სპეციალური ტექნიკა (თერმული ნისლის გენერატორები, სამანქანე შემასხურებლები,სატრაქტორო აგრეგატები, მაღალი წარმადობის დისპერსიული აეროზოლური შემასხურებელი) მუშაობს. დღეისათვის დამუშავებულია 82 500 ჰექტარი ფართობი. მათ შორის, პირველ ეტაპზე დამუშავდა 53 000 ჰა, ხოლო მეორე ეტაპზე - 29 500 ჰა ფართობი, აქედან სამეგრელოში - 20 240 ჰექტარი, გურიაში - 4600 ჰექტარი, იმერეთში - 4660 ჰექტარი.

ქიმიური წამლობა ყოველდღიურ რეჟიმში მიმდინარეობს.

5 სექტემბერს მავნებლის საწინააღმდეგოდ ფართობები დამუშავდა შემდეგ მუნიციპალიტეტებსა და სოფლებში:

გურია

ლანჩხუთის მუნიციპალიტეტი:

სოფ. ღრმაღელე - 210 ჰა, სოფ.ჩოლობარგი - 65 ჰა, სოფ. შუხუთი - 30 ჰა.

ოზურგეთის მუნიციპალიტეტი:

სოფ. შრომა - 120 ჰა, სოფ. ძიმითი - 45 ჰა.

ჩოხატაურის მუნიციპალიტეტი:

სოფ. ამაღლება -180 ჰა

სამეგრელო

ზუგდიდის მუნიციპალიტეტი:

სოფ. ცვანე - 393 ჰა, სოფ ჭითაწყარი - 40 ჰა, სოფ. ხეცერა - 120 ჰა, სოფ. ხურჩა - 75ჰა, სოფ.ჯიხაშკარი - 210 ჰა, სოფ. ჯუმი - 120 ჰა, ზუგდიდი -30 ჰა.