"პატრიოტმა ქართველმა გოგონამ, ნათია ყიფშიძემ დაიპყრო ამერიკული მედიცინის მწვერვალები"- აშშ-ში მოღვაწე ქართველი ექიმის წარმატება

სოც.მედია - 16:14, 06 Sep, 2017

5266

კობა სუბელიანი ამერიკაში მოღვაწე წარმატებული ქართველის შესახებ ფეისბუკძე წერს. როგორც სუბელიანი აღნიშნავს ნათია ყიფშიძე, რომელმაც ამერიკული მედიცინის მწვერვალები დაიპყრო არის იმ თაობის წარმომადგენელი რომელიც გადაიბარებს საქართველოს პატრონობას და ქვეყანას წარმატების გზაზე გაიყვანს:

„კიდევ ერთი სასიხარულო, საამაყო და სააბოლოო ჯამში საქართველოსთვის იმედის მომცემი და სიკეთის მომტანი ამბავი ამერიკიდან. კიდევ ერთმა სწორმა და ჯანსაღმა ადამიანმა, პატრიოტმა ქართველმა გოგონამ, ნათია ყიფშიძემ დაიპყრო ამერიკული მედიცინის მწვერვალები. რამდენი შრომა, ტანჯვა და წვალებაა გასავლელი ექიმობის მისაღწევად ამერიკაში, ამას ოკეანეს გაღმა მოღვაწე კიდევ ერთი საამაყო ქართველი ექიმი ზურა გურული დაგიდასტურებთ. ეს ის ხალხია და თაობა, რომლებიც ნელნელა და ეტაპობრივად გადაიბარებს საქართველოს პატრონობას და საზოგადოებრივი აზრის ფორმირებაში მნიშვნელოვან წვლილს შეიტანენ ყოველ საჭირო ეტაპზე. ასეთი ახალგაზრდები და ასეთი მომავალი აიღებს ხელში ქვეყნის სწორი ორიენტირების განსაზღვრას და მის სადავეებს ძალიან უმტკივნეულოდ გადმოიბარებს დღევანდელი საბჭოთა გადმონაშთებისგან, ფეეიკი, ყალბი, მენტალური კაპიტულიანტი პერსონებისგან, რომლებიც დღეს დომინირებენ და ასე თუ ისე მაინც აქვთ მავნე გავლენა საზოგადოებრივ აზრზე.

წარმატებები ნათიას, ჩემი საყვარელი დედულეთის, საჩხერის სიამაყეს და მასთან ერთად ყველა წარმატებულ ქართველს ევროპაში, ამერიკაში და ზოგადად მთელს მსოფლიოში. მათი წარმატება ეს პირდაპირ ჩვენი ქვეყნის წარმატება, გამარჯვება და რუსეთისგან საბოლოოდ თავის დაღწევაა. გვიხარიხარ ნათი.“- წერს კობა სუბელიანი.