უკრაინამ საქართველოსგან მიხეილ სააკაშვილის ძებნის, დაკავებისა და ექსტრადირების მოთხოვნა მიიღო

პოლიტიკა - 13:55, 05 Sep, 2017

5486

უკრაინის იუსტიციის მინისტრის მოადგილის სერგეი პეტუხოვის განცხადებით, უწყებამ საქართველოს მთავარი პროკურატურისგან სააკაშვილის დაკავების და ექსტრადირებასთან მოთხოვნა მიიღო. ამის შესახეხებ პეტუხოვმა კიევში გამართულ პრესკონფერენციაზე განაცხადა:

„უკრაინამ მიიღო მოთხოვნა მიხეილ სააკაშვილის ძებნაზე, დაკავებასა და ექსტრადირებაზე. საქართველოს მთავარი პროკურატურის მოთხოვნის ადრესატი უკრაინის იუსტიციის სამინისტრო და გენერალური პროკურატურა იყო“- განაცხადა პეტუხოვმა.

მისი თქმით საქართველოს პროკურატურის მიერ გაგზავნილი ინფორმაციი თანახმად, სააკაშვილის წინააღმდეგ 4 სისხლის სამართლებრივი საქმეა აღძრული. 182-ე მუხლით, რომელიც ითვალისწინებს სხვისი ნივთის ან ქონებრივი უფლების მართლსაწინააღმდეგო მითვისებას სამსახურებრივი მდგომარეობის გამოყენებით, წინასწარი შეთანხმებით ჯგუფის მიერ. 333-ე და117-ე მოხელის მიერ ძალაუფლების ბოროტად გამოყენება, ძალადობის ან იარაღის გამოყენებით. 332-ე სამსახურებრივი უფლებამოსილების ბოროტად გამოყენება.

უკრაინის იუსტიციის მინისტრის მოადგილის თქმით, თბილისის საქალაქო სასამართლოს 2014 წლის 2 აგვისტოს გადაწყვეტილებისთ სააკაშვილს აღკვეთის ღონისძიებად წინასწარი პატიმრობა დაუსწრებლად შეეფარდა.

უკრაინის იუსტიციის მინისტრის მოადგილის განცხადებით, საქართველოს პროკურატურის მიერ გამოგზავნილი მოთხოვნა შეიცავს გარანტიებს, რომ სააკაშვილს არ დაეკისრება სხვა პასუხისმგებლობა, გარდა მოთხოვნაში არსებული მუხლებისა და ის არ იქნება გადაცემული მესამე სახელმწიფოსთვის უკრაინის თანხმობის გარეშე.

სააკაშვილს უკრაინის მოქალაქეობა 26 ივლისს ჩამოართვეს. მიუხედავად ამისა საქართველოს მესამე პრეზიდენტი და ამჟამად უკრაინის ოპოზიციის ერთ-ერთი ლიდერი უკრაინაში დაბრუნებას 10 სექტემბერს მაინც აპირებს.