საკონსტიტუციო რეფორმა - საქართველოს უმაღლესი საკანონმდებლო ორგანოს თავმჯდომარე ირაკლი კობახიძე აცხადებს, რომ კონსტიტუციური კანონპროექტი აუცილებლად იქნება მიღებული საშემოდგომო სესიაზე. კობახიძის განცხადებით, კომისიის მიერ შემუშავებული კონსტიტუციური კანონპროექტი დახვეწილია:

„ჩვენ არა ერთი განცხადება გავაკეთეთ უკვე საკონსტიტუციო რეფორმასთან დაკავშირებით. ხალხისთვის უკვე მომაბეზრებელია ეს ყველაფერი. ჩვენ გვაქვს შემუშავებული ძალიან დახვეწილი პროექტი, კონსტიტუციური კანონპროექტი და ეს დოკუმენტი აუცილებლად იქნება მიღებული საშემოდგომო სესიაზე იმ სახით, როგორი სახითაც არის დამტკიცებული მეორე მოსმენით, რა თქმა უნდა, სარედაქციო ცვლილებების გათვალისწინებით,“ - აცხადებს ირაკლი კობახიძე.