აზერბაიჯანის ფაქტორი თუ მოსკოვის მხრიდან ზეწოლა - რატომ არ იღებს სომხეთი Agile Spirit 2017-ში მონაწილეობას

პოლიტიკა - 15:18, 04 Sep, 2017

2572

რუსეთის მიმართ შიში, ზეწოლა მათი მხრიდან ასევე არ გამოირიცხება ისიც, რომ სომხეთმა «Agile Spirit 2017»-ში მონაწილეობაზე უარი მას შემდეგ თქვა, რაც აღნიშნულ წვრთნაში აზერბაიჯანის მონაწილეობის შესახებ გაიგო. ამ ვერსიებზე სომეხმა პოლიტოლოგმა სტეფაბ საფარიანმა სომხურ მედიასთან ისაუბრა.

საფარიანი ყველაზე დამაჯერებლად ის ვერსია მიაჩნია, რომ სომხეთმა უარი მას შემდეგ განაცხადა, რაც წვრთნებში მონაწილეობაზე განაცხადი აზერბაიჯანმა შეიტანა.

„რა თქმა უნდა, თავდაცვის უწყებამ განმარტება უნდა გააკეთოს თუ რა შემთვევასთან გვაქვს საქმე. ერთი რამ ცხადია, თუ არ მონაწილეობდნენ, ე.ი თავიდანვე არ მონაწილეობდნენ. თუ მონაწილეობა დადასტურებული იყო და ბოლოს გააუქმეს, მაშინ მესამე ვარიანტია. გავიხსენოთ რომ წინა შემთხვევაზე აზერბაიჯანი არ იღებდა მონაწილეობას და იღებდა სომხეთი. გავიხსენოთ ისიც, რომ ჩვენ გვაქვს NATO-ს ერთობლივი მონაწილეობის საკმაოდ სამწუხარო გამოცდილება- გურგენ მარგარიანის სასტიკი მკვლელობა, რამდენადაც არ უნდა დაგმოს ნატომ ეს ფაქტი, მე ოდნავადაც არ ვფიქრობ, რომ ამის შემდგომი მოვლენები სომხეთის რაიმე ნუგეში იყო. მე ვთვლი რომ ჩვენებმა უარი აზერბაიჯანის მონაწილეობის გამო თქვეს.“- განაცხადა პოლიტოლოგმა. ამ ვერსიის გარდა საფარიანი არ გამორიცხავს, რომ გარკვეულ ზეწოლას რუსეთის მხრიდანაც ქონდა ადგილი:

„შეიძლება ერევანმა თავი თავად შეიკავა, შეიძლება მოსკოვმა როგორღაც მიანიშნა, რომ სომხეთის მონაწილეობა არასასურველი იყო. ესეც სავარაუდოა, მას შემდეგ რაც ტრამპმა 2 აგვისტოს სანქციებს მოაწერა ხელი“- აღნიშნა საფარიანმა.

საერთაშორისო სწავლება „Agile Spirit 2017“ ახალციხეში, ორფოლოს პოლიგონზე ოფიციალურად დღეს გაიხსნა. წვრთნები საქართველოს შეიარაღებული ძალების და აშშ-ის საზღვაო ქვეითების ორგანიზებით იმართება. სამხედრო სწავლების სცენარი სტაბილურობის, შეტევა/თავდაცვით ოპერაციებს ემყარება. სამხედრო სწავლება საქართველოს შეიარაღებული ძალების და აშშ-ის საზღვაო ქვეითთა კორპუსის ევროპისა და აფრიკის ძალების ორგანიზებით ტარდება. წვრთნებში საქართველოს, აშშ-ის, უკრაინის, ბულგარეთის, რუმინეთის, ლატვიის და აზერბაიჯანის სამხედრო მოსამსახურეები იღებენ მონაწილეობას.