"ეს კონსტიტუცია მოსწონს მხოლოდ „ქართულ ოცნებას“ და ბიძინა ივანიშვილს, მეტს არავის"

"ეს კონსტიტუცია მოსწონს მხოლოდ „ქართულ ოცნებას“ და ბიძინა ივანიშვილს, მეტს არავის" - რომან გოცირიძე

პოლიტიკა - 12:38, 04 Sep, 2017

1318

„ნაციონალურ მოძრაობაში“ მიიჩნევენ, რომ თუ ქართული ოცნება კონსტიტუციის არსებულ პროექტს მესამე მოსმენითაც დაამტიცებს, ეს საერთაშორისო ასპარეზზე ქვეყნის იმიჯს სერიოზულად დააზიანებს.

საკითხის კომენტირებისას ენმ-ს ერთ-ერთი ლიდერი რომან გოცირიძე აღნიშნავს, რომ მმართველი პარტიის მიერ მიღებული კონსტიტუცია ერთი პარტიის ინტერესებს ემსახურება და ამას ვენეციის კომისიის განცხადებაც ცხადყოფს.

ვენეციის კომისიის განცხადება, რომელიც ფაქტობრივად ევროკავშირის სახელმწიფოების სახელით საუბრობს ნიშნავს იმას, რომ საქართველოში მიღებული კონსტიტუცია ემსახურება მხოლოდ „ქართული ოცნების“ პოლიტიკურ ინტერესსს.

„ეს არის საქართველოს სახელმწიფოს მიერ უკან გადადგმული ნაბიჯი დემოკრატიის განვითარების გზაზე, რომელიც ძალიან დიდ ზიანს აყენებს საქართველოს საერთაშორისო იმიჯს საზღვარგარეთ და ქვეყანის შიგნით ქმნის არასტანდარტულ ვითარებას, ვინაიდან, კონსტიტუცია რომელსაც არ აღიარებს ხალხი და მორგებულია „ქართული ოცნების“ საარჩევნო მიზნებს, ისევე, როგორც საარჩევნო კანონმდებლობაში გატარებული ცვლილებები, ფაქტობრივად, კარგავს შანსს, რომ ხელისუფლება შეიცვალოს სამართლიანი არჩევნების წესით. ეს კონსტიტუცია მოსწონს მხოლოდ „ქართულ ოცნებას“ და ბიძინა ივანიშვილს, მეტს არავის“- განაცხადა გოცირიძემ.

ცნობისტვის, "ქართულ ოცნებაში" აცხადებენ, რომ პარლამენტი კონსტიტუციას, მესამე მოსმენით სექტემბრის ბოლოს დაამტკიცებს. ქვეყნის მთავარ დოკუმენტში ოპოზიციის შენიშვნები გათვალისწინებული არ არის.