ოკუპირებულ რეჟიმთან კომუნიკაცია შედგა, ქართველი მეხანძრეები ხანძრის ლიკვიდაციაში ჩაერთვებიან

ოკუპირებულ რეჟიმთან კომუნიკაცია შედგა, ქართველი მეხანძრეები ხანძრის ლიკვიდაციაში ჩაერთვებიან - სესიაშვილი

პოლიტიკა - 23:45, 03 Sep, 2017

13053

საქართველოს პარლამენტის თავდაცვისა და უშიშროების კომიტეტის თავმჯდომარის ინფორმაციით, ქართული მხარე ხანძრის ლიკვიდაციის საქმეში ხვალიდან ჩაერთვება. ირაკლი სესიაშვილის ინფორმაციით, ოკუპირებულ რეჟიმთან კომუნიკაცია უკვე შედგა.

,,ვითარება რთულია, მითუმეტეს, როცა ხანძარი ღამე ჩნდება და შესაბამის ტექნიკას უჭირს ღამე მუშაობა. მიუხედავად იმისა, რომ საქმე გვაქვს ოკუპირებულ ტერიოტირაზე გაჩენილ ხანძართან, ჩვენი მეხანძრეები ჩაერთვებიან, ჩვენ თავს ვალდებულად ვთვლით, რომ მის ლოკალიზებაში მონაწილეობა მივიღოთ. როგორც ჩემთვის ცნობილია, შედგა კომუნიკაცია. ამ ეტაპზე დეტალებზე საუბარი გამიჭირდება, თუმცა შექმნილი ვითარებიდან გამომდინარე, რა თქმა უნდა ჩავერთვებით ხანძრის ლიკვიდაციის საქმეში, რაც შეეხება დეტალებს ამომწურავი ინფორმაცია ხვალ გვექნება.

როგორც ჩემთვის ცნობილია, ოკუპირებულ ტერიტორიაზე არ არის იმის შესაძლებლობები, რომ ხანძარს თავად გაუმკლავდნენ. გარდა ამისა, სამწუხარო მოცემულობაა, საქართველოს სხვადასხვა ტერიტორიაზე რის ხანძრის კერები, სადაც ჯერ კიდევ საჭიროებენ სამაშველო ბრიგადებს და საკმაოდ დიდი ძალა გვყავს გადასროლილი კახეთის მიმართულებით, ამიტომ დღეს დავაკვირდებით ვითარებას, შევეცდებით, რომ ხვალისთვის მომზადებული ვიყოთ, და მე იმედი მაქვს, რომ მღელი ძალებიტ ჩავერთვებით სალიკვიდაციო სამუშაოებში. მაშველებმა, მეხანძრეებმა ტაქტიკურ დონეზე იციან რა დროს არის ჩართვა შესაძლებელი“ - განაცხადა ირაკლი სესიაშვილმა ტვ იბერიასთან.