ხანძარი ოკუპირებული ცხინვალის რეგიონის ტერიტორიაზე დაახლოებით საღმოს 9 საათისთვის გაჩნდა, სოფელ ოტრეს მიმდებარე ტერიტორიაზე. შიდა ქართლი გუბერნატორის კახა სამხარაძის განცხადებით, ცეცხლის გავრცელების საშიშროება საქართველოს ხელისუფლების კონტროლირებად ტერიტორიაზე ჯერჯერობით არ არსებობს. ,,ჩვენ მობილიზებული ვართ. 4 სახანძრო ბრიგადაა, თუ გავრცელდა ჩვენს მხარეს, მზად ვართ დროულად მოვახდინოთ ლოკალიზება. დასახლებულ პუნქტამდე მისვლის საშიშროება არ არის. ფლავისმანი მოშორებით არის. ხანძარი ჯერ აქეთ არ მოიწევს, ვაკვირდებით“ - განაცხადა სამხარაძემ.

მისივე ინფორმაციით, ოკუპირებულ ტერიტორიაზე შეინიშნება სამაშველო სამუშაოები. მისი ინფორმაციით, ისინი ხანძრის ჩაქრობას ცდილობენ.

ხანძარი გაჩნდა ოკუპირებულ ტერიტორიაზე სოფელ ზემო არცევის მიმდებარედ. ცეცხლი ტყის მასივს უკიდია.

ადგილზე მობილიზებულია სახანძრო მანქანები და ისინი ხანძრის ლოკალიზებას ცდილობენ. ცეცხლი საკმაოდ დიდ ტერიტორიაზე მოდებული.

შეგახსენებთ, რომ აღნიშნული ტერიტორია გორის მუნიციპალიტეტს, სოფლებს ფლავისმანს და ქვეშს ესაზღვრება.