„არაკომპეტენტურობა და ინფანტილური თავდაჯერებულობა“

„არაკომპეტენტურობა და ინფანტილური თავდაჯერებულობა“ - ოპოზიცია პრემიერს აკრიტიკებს

პოლიტიკა - 12:15, 02 Sep, 2017

1708

საქართველოს პრემიერ-მინისტრი გუშინ, მის მიერვე გაკეთებული ხმამაღალი განცხადების გამო კრიტიკის ობიექტი ხდება.

საუბარია გიორგი კვირიკაშვილის განცხადებაზე რომელიც მან ქართული ოცნების მაჟორიტარი კანდიდატების ოფიციალურად წარდგენისას გააკეთა: „ჩვენს მაჟორიტარებს 50%-იანი ბარიერის გადალახვა მოუწევთ".
ცნობისთვის, 50%-იანი ბარიერის შეზღუდვა საკრებულოს მაჟორიტარი დეპუტატობის კანდიდატებისთვის არ ვრცელდება და ის მხოლოდ საპარლამენტო არჩევნებში მონაწილე მაჟორიტარ კანდიდატებზე მოქმედებს.

"ერთიანი ნაციონალური მოძრაობის" თავმჯდომარე, ირაკლი ნადირაძე, აცხადებს, რომ პრემიერი ან კანონმდებლობას არ იცნობს, ან საზოგადოების მოტყუებას ცდილობს.

„სამწუხაროდ, საქართველოს პრემიერმინისტრი არ იცნობს კანონმდებლობას, ან იცნობს და ურცხვად ატყუებს საკუთარ მოსახლეობას და სწორედ ამ უვიცობას და არაკომპეტენტურობას დავასრულებთ ჩვენ ოქტომბერში არჩევნების გზით,“ - აცხადებს ირაკლი ნადირაძე.

ირაკლი აბესაძე კი მთავრობის მეთაურის კანონთანშეუსაბამო განცხადებას „ინფანტილურ თავდაჯერებულობას“ უწოდებს.

საპარლამენტო უმცირესობის მდივანი, ფრაქცია ევროპული საქართველო - მოძრაობათავისუფლებისთვის წევრი, ირაკლი აბესაძე, აცხადებს, რომ სამწუხაროა, რომ გიორგიკვირიკაშვილმა არ იცის, თუ რამდენპროცენტიანი ბარიერის გადალახვა სჭირდებათ მათიპარტიის მაჟორიტარ დეპუტატებს თვითმმართველობის არჩევნებზე.

„ეს ინფანტილური თავდაჯერებულობის შემატების მცდელობა არის. ყველამ კარგად ვნახეთ,რომ საპარლამენტო არჩევნებზეც ვერ შეძლო ქართული ოცნების მაჟორიტარი კანდიდატების აბსოლუტურმა უმრავლესობამ 50%-იანი ბარიერის გადალახვა და მას შემდეგ ქართული ოცნების მხარდაჭერა ხალხში, რა თქმა უნდა, კიდევ უფრო დაკლებულია. პრემიერი განცხადება ღიმილის მომგვრელია, როდესაც პრემიერი ასეთ ოფიციალურ წარდგენაზე, სამწუხაროდ, უშვებს ასეთ შეცდომას,“ - განაცხადა ირაკლი აბესაძემ.