საქართველოს მოქალაქეობის საგამონაკლისო წესით მიმნიჭებელთა წრე გაფართოვდება

პოლიტიკა - 18:09, 01 Sep, 2017

2278

საქართველოს პრეზიდენტის ადმინისტრაციის ხელმძღვანელის გიორგი აბაშიშვილის განცხადებით იმის გამო რომ ვიზალიბერალიზაციის მიღების შემდეგ საქართველოს მოქალაქეობა უფრო მოთხოვნადი ხდება, საჭიროა საგამონაკლისო წესით მოქალაქეობის მინიჭების პროცედურა უფრო დაიხვეწოს და პასუხობდეს უსაფრთხოების ზომებს. აბაშიშვილის თქმით პრეზიდენტი თვლის, რომ მოქალაქეობის მინიჭების პროცესში საზოგადოების წევრების ჩართულობა მნიშვნელოვანია:

„საქართველოსა და ევროკავშირს შორის ამოქმედებული უვიზო მიმოსვლა მნნიშვნელოვანი ახალი შესაძლებლობა და ამავდროულად დიდი პასუხისმგებლობაა საქართველოს თითოეული მოქალაქისთვის. არსებული სტატისტიკის თანახმად, სულ უფრო მზარდი ხდება იმ პირთა რიცხვი, რომელთაც საქართველოს მოქალაქეობის მინიჭება საგამონაკლისო წესით სურთ. პირველ სექტემბრამდე, საქართველოს პრეზიდენტის მიერ საგამონაკლისო წესით მოქალაქეობის მინიჭება საკმაოდ ლიბერალური ხასიათს ატარებდა, თუმცა ახალი რეალობიდან გამომდინარე, როდესაც საქართველოს მოქალაქეობა განსაკუთრებით მოთხოვნადი ხდება, საჭიროა, კიდევ უფრო მეტი სიფრთხილის გამოჩენა და მოქალაქეობის მინიჭებასთან დაკავშირებით მიდგომების სრულყოფა და დახვეწა. შესაბამისად, საქართველოს პრეზიდენტის გადაწყვეტილებით, დღეიდან კიდევ უფრო მეტად იხვეწება მიდგომები საქართველოს მოქალაქეობის საგამონაკლისო წესით მინიჭებასთან დაკავშირებით. პრეზიდენტი თვლის, რომ მნიშვნელოვანია, საზოგადოების წევრების ჩართულობა მოქალაქეობის მინიჭების პროცესში. შესაბამისად, აღნიშულ საკითხებთან დაკავშირებით იუსტიციის სამინისტროსთან და სახელმწიფო უსაფრთხოების სამსახურთან მოლაპარაკებებს ვიწყებთ.“- განაცხადა გიორგი აბაშიშვილმა.