უკრაინამ რუსეთს გია ცერცვაძის ექსტრადირებაზე უარი უთხრა

პოლიტიკა - 17:33, 01 Sep, 2017

1737

უკრაინის გენერალურმა პროკურატურამ საქართველოს მოქალაქე, მოხალისე მეომრის ,გია ცერცვაძის გადაცემაზე, რუსეთს უარი უთხრა შესაბამისი წერილი ცერცვაძის ადვოკატმა მედიას წარუდგინა. ინფორმაციას ამის შესახებ "რადიო თავისუფლება" ავრცელებს:
ადვოკატ კსენია პროკონოვას თქმით, ჩვეულებრივ, ამგვარ ვითარებაში, უკრაინა თანხმდებოდა ხოლმე ექსტრადიციას. მისი თქმით, „ეს ნიშნავს, რომ ჩვენ შევქმენით პრეცედენტი, არ გადავეცით სახელმწიფოს, რომელთანაც ომი გვაქვს, მეომარი, რომელიც უკრაინის მხარეს იბრძოდა. და მეორე: მას შეეძლება კანონიერად დარჩეს უკრაინაში, იცხოვროს, იმუშაოს და გააგრძელოს ის, რისთვისაც ჩამოვიდა“, განაცხადა პროკონოვამ. ცერცვაძე აპირებს უკრაინის მოქალაქეობის მისაღებად განცხადების შეტანას. ამასთან, მისი თქმით, სურს საბრძოლო მოქმედებათა ზონაში დაბრუნება და უკრაინის დასაცავად ბრძოლა. ცერცვაძე კიევის აეროპორტში წელს, 15 იანვარს საქართველოდან დაბრუნებისას დააკავეს. რუსეთის სამართალდამცავი ორგანოების მტკიცებით, ცერცვაძე სოჭში განზრახ მკვლელობის ჩადენასა და მკვლელობის მცდელობაშია ეჭვმიტანილი და სწორედ ამ მიზეზით ითხოვს, რუსეთი მის ექსტრადირებას, თუმცა თავად ცერცვაძე და მისი მხარდამჭერები აღნიშნულ ფაქტს რუსეთის მხრიდან, უკრაინასა და საქართველოში ოკუპაციის წინააღმდეგ მებრძოლ სამხედროებზე შურისძიებად აფასებენ
გია ცერცვაძე დროებითი პატიმრობიდან 27 იანვარს პროკურორის გადაწყვეტილებით გაათავისუფლეს.