საქართველოს შინაგან საქმეთა მინისტრის განცხადებით აბასთუმნის ტყეში ხანძარი სრულად ლოკალიზებულია. გიორგი მღებრიშვილის თქმით, ამ ეტაპზე მიმდინარეობს შესაბამისი სამუშაოები, რათა მოხდეს ხანძრის სრულად ლიკვიდაცია:

"სულ რამდენიმე წუთის წინ ჩვენ მოვახდინეთ საკონტროლო შემოფრენა მთლიანი ზონის, სადაც კერები იყო ხანძრის. მინდა გითხრათ, რომ დაკვამლიანებაც აღარ არის ამ ტერიტორიაზე. აბასთუმნის ტყეში ხანძარი სრულად ლოკალიზებულია, მიმდინარეობს სამუშაოები სრულად ლიკვიდაციისთვის. ასევე ცოცხალი ძალა გადასულია გარკვეულ ზონებში უკვე ნიადაგის პრევენციულ დამუშავებაზე. ეფექტურად იმუშავა ავიაციამ ცოცხალ ​ძალასთან ერთად და ამ ეტაპზე შეიძლება ითქვას, რომ მთელ ზონაში, სადაც ხანძარი იყო სრულად ლოკალიზება გვაქვს", - განაცხადა მღებრიშვილმა.