პრემიერ-მინისტრის, გიორგი კვირიკაშვილის განცხადებით, წინასწარი მონაცემებით, ბორჯომის ხეობაში ხანძრის შედეგად დაახლოებით, 200 ჰექტარი ტყის ფართობია დამწვარი. ამასთან, პრემიერ-მინისტრმა მთავრობის დღევანდელ სხდომაზე აღნიშნა, რომ დამწვარი ტყის ფართობი ზუსტდება.

საქართველოს პრემიერ-მინისტრის გიორგი კვირიკაშვილის განცხადებით, წინასწარი მონაცემებით ბორჯომის ხეობაში დაახლოებით 200 ჰექტარი ტყის ფართობია დამწვარი. ამის შესახებ კვირიკაშვილმა მთავრობის დღევანდელი სხდომაზე ისაუბრა:

„წინასწარი მონაცემებით, დაახლოებით, 200 ჰექტარის ფარგლებშია ტყე დამწვარი“, - აღნიშნა პრემიერმა.

მან ასევე ისაუბრა დამწვარი ტყის მასივის აღდგენის საკითხზე:

„ვფიქრობ, რომ ეს ღირსეული საქმეა და ყველა ადამიანს ექნება სურვილი, რომ თუნდაც მცირედი წვლილი შეიტანოს ჩვენი ულამაზესი ტყის აღდგენის საქმეში. ჩვენ აუცილებლად აღვადგენთ იმ ტყეს, რომელიც განადგურდა. ეს ჩვენი ვალია“, - განაცხადა კვირიკაშვილმა.