თვითმმართველობის არჩევნები - თბილისში NDI-ს გრძელვადიანი დელეგაცია ჩამოვიდა. მისია 15 საერთაშორისო დამკვირვებლისგან შედგება. ჯგუფის წევრები ქვეყნის მასშტაბით განაწილდებიან და ადგილზე შეისწავლიან ვითარებას.

„საქართველოში NDI-ის 15 საერთაშორისო დამკვირვებელი გრძელვადიანი სადამკვირვებლო მისიით ჩამოვიდა. ისინი სხვადასხვა რეგიონებში საარჩევნო პროცესებს ადგილობრივ დონეზე გაუწევენ მონიტორინგს. დამკვირვებლები საქართველოში საარჩევნო პროცესის დასრულებამდე დარჩებიან. გარდა ამისა, წინასაარჩევენო პერიოდში ჩვენ ასევე დავაკვირდებით, როგორც სახელმწიფო ინსტიტუტების მუშაობას, ასევე დეზინფორმაციისა და პროპაგანდის გავრცელებას,” - განაცხადა ლორა ტორნტონმა.