ხანძარი აბასთუმანში - ლოკალიზებისთვის შესაბამისი სამუშაოები გრძელდება. ცეცხლის კერებთან მუშაობა დილიდან განაახლა ავიაციამ. ტყეში გაჩენილი ხანძრის ჩაქრობას ამ დროისათვის 4 ვერტმფრენი ცდილობს.

ტყის მასივზე გაჩენილი ცეცხლის სალიკვიდაციო სამუშაოებში ჩართულია ორი ქართული და ერთი აზერბაიჯანული ვერტმფრენი, ასევე ერთი უკრაინული თვითმფრინავი. ოფიციალური ინფორმაციით, ერთ თურქული ვერტმფრენი უკვე ბათუმშია და ის სამუშაოებში დღის ბოლომდე ჩაერთვება.

პროცესში ჩართულია შსს-ს საგანგებო სიტუაციების მართვის სააგენტოს, შსს-ს განსაკუთრებულ დავალებათა დეპარტამენტისა და დაცული ტერიტორიების სააგენტოს 1000-ზე მეტი თანამშრომელი, ასევე სასაზღვრო პოლიციის და კომპანია თუშეთის ვერტმფრენები.