თელავში, ადგილობრივებმა 30 წლამდე მამაკაცი უგონო მდგომარეობაში იპოვეს. ახალგაზრდა კაცს სხეულზე ჭრილობები აღენიშნებოდა.

მომხდარის შესახებ თელავში სხვადასხვა ვერსიაზე საუბრობენ. მოსახლეობის ერთი ნაწილი "ნიუპოსტთან" ამბობს, რომ მამაკაცი ცივი იარაღით დაჭრეს. მეორე ნაწილის ინფორმაციით, ნასვამ მდგომარეობაში მყოფმა პირმა ერთ-ერთი დაწესებულების შუშები ჩაამტვრია, რა დროსაც სხეულზე არსებული დაზიანებები მიიღო.

უგონო მდგომარეობაში მყოფი მამაკაცი სასწრაფო დახმარების ბრიგადამ თელავის რეფერალურ საავადმყოფოში გადაიყვანა.

შემთხვევა 29 აგვისტოს საღამოს მოხდა. ახალგაზრდა მამაკაცმა საპატიმრო სამი თვის წინ დატოვა.

"ნიუპოსტი" შს სამინისტროს დაუკავშირდა. უწყებამ გამოძიება სისხლის სამართლის კოდექსის 120-ე მუხლით მიმდინარეობს, რომელიც ჯანმრთელობის განზრახ მსუბუქ დაზიანებას გულისხმობს.