ხელისუფლების მიერ ბორჯომის ხანძრის ჩაქრობის ოპერაციაში რუსეთისთვის დახმარების თხოვნას საზოგადოებისადმი უპატივცემულობას უწოდებენ „ევროპული საქართველოს“ რიგებში. გიგი უგულავა აცხადებს, რომ იმ ქვეყნის ჩართვა ხანძრის ჩაქრობის სამუშაოებში, რომელიც 2008 წელს ამავე ტყის მასივი დაწვაშია ეჭვმიტანილი, დაუშებელია.

„უამრავი ქვეყანაა, რომელიც ჩვენი პარტნიორი ქვეყანაა, რომელიც არ არის ეჭვმიტანილი იმ ტყეების გადაწვაში და ეჭვმიტანილი არის რუსეთი, იმიტომ რომ ჩვენ ყველამ ვნახეთ, რომ 2008 წელს რუსეთი პირდაპირ იმ ტერიტორიას ბომბავდა. საკუთარ საზოგადოებას უნდა ვცეთ პატივი, ეს ტკივილები ცოცხალია და არ შეიძლება ამ ნოტების თამაში, გაურკვეველი ნოტების გზავნით. არ არის ამის საჭიროება,“ - განაცხადა გიგი უგულავამ.