ოპოზიცია განათლების სფეროში ფინანსური რესურსის არასწორდ გადანაწილებაზე საუბრობს . ენმ-ს წევრის ნინო კვიტაიშვილის თქმით განათლების მინისტრი ნაცვლად იმისა, რომ ზოგადი განათლების განვითარებაზე იზრუნოს, ვაშლის შესყიდვის აუცილებლობაზე საუბრობრობს:

„ნაცვლად იმისა, რომ მინისტრი ჯეჯელავა მსჯელობდეს თუ როგორ მიმართოს მთელი ფინანსური რესურსი ზოგადი განათლების სფეროს განსავითარებლად, ის ჯერ ზღაპრების ფილოსოფიური განხილვით იყო დაკავებული, შემდეგ კი განგვიცხადა ვაშლის შესყიდვის აუცილებლობის თაობაზე და ფინანსური რესურსის იქეთ წარმართვის მიზნობრიობაზე. შესაბამისად დგება ის შედეგი, რომელიც გვყავს და დღეს ჩვენ გვყავს 11 ათასი ჩაჭრილი აბიტურიენტი,“-განაცხადა „ენმ“-ს წევრმა ნინო კვიტაიშვილმა რ2-თან საუბარში.

„ევროპული საქართველოს“ წევრი მარიამ რამინაშვილი დაფინანსების არსებული წესი აზარალებს, როგორც სახელმწიფო ბიუჯეტს , ასევე უმაღლეს სასწავლებლებს კონკურენციის თვალსაზრისით.

„დაფინანსების ის წესი, რომელიც უმაღლეს სასწავლებლებს აქვთ, აზარალებს როგორც სტუდენტებს ასევე უმაღლეს სასწავლებლებს კონკურენციის თვალსაზრისით და აზარალებს სახელმწიფო ბიუჯეტს და თავის მხრივ გამოუსადეგარი და მავნეა იმ პირობებში, რომელშიც დღეს აღმოჩნდა განათლების სისტემა,“-აცხადებს მარიამ რამინაშვილი.

განათლების სისტემაში სიტუაციის გაუარესებაზე საუბრობს განათლების ყოფილი მინისტრი დიმიტრი შაშკინიც, მისი თქმით მაშინ როდესაც გამოცდებს პედაგოგები ვერ აბარებენ, შესაბამისად ნაკლები მოლოდინია იმისა, რომ გამოცდების წარმატებულ ჩამაბრებას მათი მოსწავლეები შეძლებენ:

„უმძიმესი შედეგია, რომელიც სამწუხაროდ ასახავს იმ რეალურ ვითარებას, რომელიც არის განათლების სისტემაში. როდესაც მათემატიკის მასწავლებლებში 90% იჭრება სასერთიფიკატო გამოცდაზე, მე არ ვიცი რატომ უნდა გვქონდეს მოლოდინი, რომ ბავშვები ჩააბარებენ საატესტატო გამოცდებს ან ერთიან ეროვნულ გამოცდებს, ეს არის ბრალი სახელმწიფოსი, რომელიც არაფრით არ ეხმარება მასწავლებლებს, მათი კვალიფიკაციის ამაღლების კუთხით.“- განაცხადა დიმიტრი შაშკინმა.

შეგახსენებთ, გამოცდების ეროვნული ცენტრის ხელმძღვანელის მაია მიმინოშვილის განცხადებით, 2017 წლის ეროვნულ გამოცდებზე 39 ათასი აბიტურიენტიდან 28 ათასზე მეტი სტუდენტი გახდა. გამოცდების ეროვნული ცენტრის ცნობით, ე.წ უფასო ფაკულტეტებზე სულ 4051 აბიტურიენტი ჩაირიცხა.