,,ივანიშვილი სამეგრელოს მოადგა“ - ასწლოვანი ხეების გატანის მეორე რაუნდი

პოლიტიკა - 17:00, 27 Aug, 2017

7091

ბოლო ორი კვირაა ბიძინა ივანიშვილი ასწლოვან ხეებს უკვე სამეგრელოში ეძებს. ექსპრემიერის წარმომადგენლებმა ზუგდიდის 3 სოფელი დაიარეს (დიდინეძი, ორული, ახალაბასთუმანი). გავრცელებული ინფორმაციით, სოფლებში პირადად ივანიშვილიც იყო ჩასული და მოსახლეობას, ვისაც უნიკალური ხეები სახლის ეზოში აქვს ფულს სთავზობს, ხოლო ისინი, რომლებიც ოჯახების კუთვნილება არაა და ქუჩაში დგას, უნებართვოდ მიაქვს.

,,ნიუპოსტის“ ინფორმაციით, ივანიშვილმა ერთ-ერთ ხეში ოჯახს 100 ათასი შესთავაზა თუმცა უარი მიიღო.

ხეების გასატანად საგანგებოდ გზაც კეთდება, რისთვისაც თანხა ბიუჯეტშია გათვალისწინებული.

აღნიშნული ფაქტის ნაციონალური მოძრაობის ზუგდიდის საკრებულოს წევრი ანი წითლიძეც ადასტურებს.

,,ბიძინა სამეგრელოსაც მოადგა. ბიძინა ივანიშვილის წარმომადგენლებმა დაიარეს ზუგდიდის სოფლები დიდინეძი, ორული, ახალაბასთუმანი და შეათავლიერეს ხეები. საუბარია 200 წლიანი ხეების ყიდვაზე და სამეგრელოდან გატანაზე. ამისთვის სპეციალური გზის გაყვანა დიდინეძიდან უნდა დაიწყონ, რაშიც უშუალოდ არიან ჩართული ადგილობრივი ხელისუფლების წარმომადგენლები.

ჩემი ინფორმაციით, პირადად ივანიშვილიც იმყოფებოდა ყველა ამ სოფელში“ - აცხადებს ანი წითლიძე.