„ქართული ოცნების“ თბილისის მერობის კანდიდატი კახა კალაძე დღეიდან საარჩევნო კამპანიაში ოფიციალურად ჩაერთო. დღეს გაიხსნა კალაძი საარჩევნო შტაბი, რომელსაც არჩილ თალაკვაძე უხელმძღვანელებს.

საქართველოს პრემიერ-მინისტრი გიორგი კვირიკაშვილი დარწმუნებულია, რომ კალაძე არჩევნებს პირველივე ტურში მოიგებს:

„კახი ის ადამიანია, რომელსაც გააჩნია გამორჩეული ლიდერის თვისებები, მისი გახსნილობა ყველაზე მთავარი დამახასიათებელი თვისებაა. ის არის სიახლეზე ორიენტირებული ადამიანი, მას თანამედროვე მიდგომები გააჩნია და თავი დაიმკვიდრა პოლიტიკოსად, რომლისთვისაც მთავარი ზნეობა და წესიერებაა. ამიტომ, დარწმუნებული ვარ, კახი სუფთა ხელებით არჩევნებს პირველივე ტურში მოიგებს. ეს იქნება თბილისისთვის ახალი გადაშლილი ფურცელი“, - დასძინა კვირიკაშვილმა.