სტიქია ბორჯომის ხეობაში - საქართველოს შინაგან საქმეთა მინისტრის გიორგი მღებრიშვილის განცხადებით, საზოგადოებამ კიდევ ერთხელ იხილა ხელისუფლების კოორდინირებული მუშაობის მაღალი ხარისხი. ამის შესახებ მღებრიშვილმა სტიქიის ზონაში ჟურნალისტებთან საუბრისას განაცხადა.

მინისტრის თქმით, ხანძრის კერები ლიკვიდირებულია, ცოცხალი ძალის მიერ მცირე კერების დამუშავება მიმდინარეობს:

„ყველა კერა ამ ეტაპზე ლიკვიდირებულია. პატარა კერების დამუშავება მიმდინარეობს ცოცხალი ძალით. ჩვენ ადგილზე ვრჩებით და კოორდინირებულად, სრული დატვირთვით ვაგრძელებთ მუშაობას. ადგილზე რჩება ავიაცია. ადგილზე რჩება ტექნიკა. დღეს, ძირითადად, ცოცხალი ძალით არის სამუშაო. მინდა ყველა სამსახურს დიდი მადლობა ვუთხრა. საზოგადოებამ კიდევ ერთხელ იხილა ხელისუფლების კოორდინირებული მუშაობის მაღალი ხარისხი. მადლობა მინდა ვუთხრა პრემიერ-მინისტრს, რომელიც ბოლო წუთამდე მეტყევეებისა და მეხანძრე-მაშველების გვერდით იდგა. ჩვენ ვაგრძელებთ მონიტორინგს და ყველა ადგილზე ვრჩებით“, - განაცხადა გიორგი მღებრიშვილმა.