რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ საქართველოში გაჩენილ ტყის ხანძრებთან რუსეთის შესაძლო კავშირზე გამოთქმული მოსაზრებებს "არაჯანსაღი ფანტაზია" უწოდა და მისი კომენტირებისაგან თავი შეიკავა.

"ჩვენ გულწრფელად ვუსურვებთ მეზობელს, რომ სასწრაფოდ მოახდინონ ხანძრის ლიკვიდაცია. ხოლო მათ არაჯანსაღი ფანტაზიის კომენტირებას, ვინც ბუნებრივ სტიქიას ანტირუსული ინსინუაციებისათვის იყენებს, არ ვაპირებ," - განაცხადა ზახაროვამ.

"ჩვენ დაუყოვნებლივ გამოვეხმაურეთ ქართული მხარის თხოვნას, ბორჯომ-ხარაგაულის ნაკრძალში ხანძრის ჩაქრობაში დავხმარებოდით, ამისთვის გამოვყავით საგანგებო სიტუაციების სამინისტროს თვითმფრინავი Ил-76, მაგრამ შემდეგ ქართულმა მხარემ, მადლობა გადაგვიხადა და გვაცნობა, რომ ხანძრის კერები ლოკალიზებულია და ჩვენი დახმარების აუცილებლობა აღარ არის," - დასძინა საგარეო უწყების წარმომადგენელმა.