ნიკა გვარამია სახელმწიფო უსაფრთხოების სამსახურში ხვალ ადვოკატთან ერთად გამოცხადდება. გვარამია აღნიშნულ საკითხზე საუბრისასს აცხადებს, რომ არ გამორიცხავს, სუს-ში ბრალის დადგენილება მოისმინოს.

„ჩემთვის ინფორმაცია ბოლომდე ცნობილი არ არის, მიუხედავად იმისა, რომ გამომძიებელი კორექტულად, სავსებით ნორმალურად მესაუბრა. არ უთქვამს, რეალურად რისთვის მიბარებენ იქ. მიუხედავად ამისა, იქ ვიქნები, იქნება ჩემი ადვოკატიც. მოვისმენ, არ გამოვრიცხავ, რომ ერთ რამეს მეუბნებოდნენ და მეორე მოხდეს. ასე არაერთგზის მომხდარა. მზად ვარ, ნებისმიერი რამ მოვისმინო, მათ შორის, ბრალის დადგენილებაც, თუ ასეთს საჭიროდ ჩათვლიან," - განაცხადა ნიკა გვარამიამ.