ტელეკომპანია რუსთავი 2-ის გენერალური მდივნისა და „ევროპული საქართველოს“ ლიდერის გიგა ბოკერიას სუს-ში დაბარების ფაქტს სახალხო დამცველი ეხმაურება. უჩა ნანუაშვილის განცხადებით, აღნიშნული ფაქტიდან გამომდინარე, გარკვეული კითხვები ჩნდება:

„მიუხედავად იმისა, რომ 2 წელია გასული, რატომ მაინც და მაინც დღეს გახდა აუცილებლობა მისი დაბარება ისევე, როგორც სხვა არაერთ საქმესთან დაკავშირებით ვხედავთ, რომ მიდგომა არათანმიმდევრულია საგამოძიებო ორგანოების მხრიდან და ალბათ, აქ გარკვეული კითხვის ნიშნები ნამდვილად არსებობს,“ - განაცხადა უჩა ნანუაშვილმა.

საქმე, რომელზეც ნიკა გვარამია დაიბარეს, 2015 წელს უკრაინულ ვებგვერდზე გამოქვეყნებულ მიხეილ სააკაშვილისა და გვარამიას სავარაუდო საუბრის ჩანაწერს ეხება. საქმე სახელმწიფოს გადატრიალების მოწყობის მუხლით არის აღძრული.