ბორჯომში, სტიქიის ზონაში სამხრეთ კავკასიაში მსოფლიო ბანკის რეგიონული დირექტორი მერსი ტემბორი იმყოფებოდა. ტემბორი დღეს საქართველოს პრემიერ-მინისტრს გიორგი კვირიკაშვილს შეხვდა. ჟურნალისტებთან საუბრისას მან აღნიშნა, რომ იგი სტიქიის ზონაში იმისათვის იმყოფება, რათა გამოხატოს მსოფლიო ბანკის მხარდაჭერა:

"ვფიქრობთ, რომ თქვენი მთავრობა პრემიერ-მინისტრის ხელმძღვანელობით სწორად გაუძღვა სიტუაციას და გადაიდგა სწორი ნაბიჯები. მსოფლიო ბანკი მზად არის აღმოუჩინოს ფინანსური და ტექნიკური დახმარება საქართველოს. პირველ რიგში ჩამოვა ტექნიკური მისია, რომლებიც შეაფასებენ სიტუაციას. ჩვენ გვყავს ექსპერტები, რომლებიც სწორედ ამ საკითხებზე მუშაობდნენ საქართველოში და ამ ექსპერტებისგან შემდგარი ჯგუფი ჩამოვა აქ. ეს იქნება პირველი ნაწილი. თუმცაღა, ჩვენ ასევე მზად ვართ დახმარება აღმოგიჩინოთ ფინანსური და ტექნიკური სახით. ეს განხილული იქნება საქართველოს მთავრობასთან", - განაცხადა მსოფლიო ბანკის წარმომადგენელმა.