საქართველოს რეგიონული განვითარებისა და ინფრასტრუქტურის მინისტრის, ზურაბ ალავიძის ინფორმაციით ამ ეტაპზე დამწვარი ტერიტორიის ზუსტი ფართობის შესახებ ცნობა არ არსებობს, თუმცა როგორც მინისტრი ვარაუდობს ეს ფართობი 100 ჰექტარზე მეტია:

“ბოლო ინფორმაცია გვაქვს ძალიან დამაიმედებელი. ახლანდელი სიტუაცია დიდ ოპტიმიზმს გვაძლევს. ბოლო დღეებია, რაც აქ ვიმყოფებით, სამიდან ექვსამდე იცის ქარი, რაც აღვივებს. ველოდებით ახლა სიტუაციას, ასე თუ გაგრძელდა, ახლა რა მდგომარეობაც გვაქვს, ძალიან დამაიმედებელია. ვფიქრობთ, რომ ხვალისთვის შესაძლებელი იქნება, თუ ქარმა სასწაული არ მოახდინა კიდე, ლოკალიზებას მოვახდენთ და უკვე სალიკვიდაციო სამუშაოები დაიწყება.

ძალიან დიდი სამუშაო გავწიეთ. გაწია როგორც ავიაციამ, ისე ცოცხალმა ძალამ და ტექნიკამ. ძალიან ბევრი სტრუქტურაა ჩართული და მთებზე რკალი გვაქვს, ფაქტობრივად, მთლიანად ამ ხანძრის ტერიტორიის იმიტომ, რომ მოწყვეტილი იყოს ძირითადი ნაწილი დამწვარი ტყის, რომ იქით აღარ გავრცელდეს ხანძარი. გავიყვანეთ 10 კილომეტრამდე გზა ძალიან მაღალ მთებში, ფაქტობრივად, მიუდგომელ ადგილებში იმისათვის, რომ გაგვეცალკევებინა ხაძარი ცოცხალი ტყისგან.

დაახლოებით 1500-მდე ცოცხალი ძალა მუშაობს; მუშაობს ჩვენი ტექნიკა, დაახლოებით 60 ერთეული და 25 ერთეული არის ჩვენი მეზობლების. საკმაოდ რთულია, 45-პროცენტიან აღმართებზე გვიწევს ასვლა, იქ გზების კეთება, მანქანების ტარება და ცისტერნების მიტანა, რათა წყლით უზრუნველვყოთ მეხანძრეების და მაშველები.

გვაქვს რამდენიმე კერა და ვერტმფრენები ამუშავებენ, ინტენსიურად. ახლა ვიყავით დაზვერვაზე შესაბამის სპეციალისტებთან ერთად და ზუსტი წერტილები გვაქვს აღებული და სტრატეგია გვაქვს, კერა-კერა ამუშავებენ ვერტმფრენები და ინტენსიურად იმუშავებენ დაღამებამდე. კიდევ ერთხელ ვამბობ, დღეს თუ ქარმა არ შეგვიშალა ხელი, ისევ და ისევ ხვალისთვის გაცილებით უკეთესი მდგომარეობა უნდა გვქონდეს. ფაქტიურად დიდ ვარაუდი გვაქვს, რომ შევძლებთ ლოკალიზებას. 100 ჰექტარზე მეტია, მაგრამ ზუსტად ვერ გეტყვით, დიდი ტერიტორიაა დამწვარი.”- განაცხადა ზურაბ ალავიზემ.