პრეზიდენტის ადმინისტრაციის უფროსის გიორგი აბაშიშვილის განცხადებით, ბორჯომის ხეობაში შექმნილი ვითარებიდან გამომდინარე, პრეზიდენტის, პრემიერმინისტრისა და პარლამენტის თავმჯდომარის ერთობლივი გადაწყვეტილებით კონსტიტუციის დღისადმი მიძღვნილი მიღება დღეს პრეზიდენტის სასახლეში აღარ გაიმართება.

„დღეს კონსტიტუციის დღესთან დაკავშრებით საქართველოს პრეზეიდენტის, საქართველოს პრემიერ-მინისტრის და საქართველოს პარლამენტის თავმჯდომარის მიერ დაგეგმილი იყო საქართველოს პრეზიდენტის სასახლეში მიღება საზოგადოების წარმომადგენლებისათვის, ქვეყანაში შექმნილი მდგომარეობიდან გამომდინარე, განსაკუთრებით ბორჯომის ხეობაში შექმნილი ვითარებიდან გამომდინარე, პრეზიდენტი, პრემიერ-მინისტრი და პარლამენტის თავმჯდომარე შეთანხმდნენ, რომ დღევანდელი მიღება არის გაუქმებული.

მსურს დღევანდელი დღე, კონსტიტუციის დღე მივულოცო საქართველოს ყველა მოქალაქეს, 22 წელი გავიდა მას შემდეგ, რაც საქართველოს მოქალაქეებმა გადაწყვიტეს შეექმნათ დემოკრატიული, ადამიანის უფლებებზე დაფუძნებული სახელმწიფო და ამ წლების განმავლობაში ჩვენ ვაშენებთ ასეთ სახელმწიფოს. კონსტიტუციის დღის აღნიშვნა ერთგვარ ტრადიციად იქცა. სამი წელია სხვადასხვა ფორმით აღინიშნება კონტიტუციის დღე, მათ შორის დღეს გვსურდა, რომ ეს აღნიშვნა ყოფილიყო უფრო მასშტაბური, მაგრამ ქვეყანაში შექმნილი მდგომარეობიდან გამომდინარე გადაწყდა მხოლოდ მინიმალისტური ღონისძიებებით დღევანდელი დღის აღნიშნვნა. განსაკუთრებით მნიშვნელოვანი არის ის, რომ კონსტიტუციის ქუჩაზე საღამოს ექვსი საათიდან ახალგაზრდების მიერ აღინიშნება კონსტიტუციის დღე, ჩატარდება სხვადასხვა ტიპის ღონისძიებები“, - განაცხადა გიორგი აბაშიშვილმა.