შინაგან საქმეთა მინისტრის განცხადებით ბელორუსის მხარის მიერ გამოგზავნილი ვერტმფრენი ეფექტურად მუშაობს, თუმცა წყლის ასაღებას განსაკუთრებული პირობები სჭირდება და საათში 2-3-ჯერ ასწრებს ცეცხლზე წყლის დასხმას:

„ბელორუსის მხარის მიერ გამოგზავნილი ვერტმფრენი არის ძალიან დიდი. მას სჭირდება განსაკუთრებული პირობები წყლის ასაღებად და ხაშურში, მთებში ტბიდან იღებს ის წყალს. საათში დაახლოებით, 2-3-ჯერ ასხამს წყალს ცეცხლზე, მაგრამ იმდენად ეფექტურია, რომ რომელ ობიექტზეც იმუშავა, იქ ხანძარი პრაქტიკულად, ლიკვიდირებულია.“- განაცხადა გიორგი მღებრიშვილმა ტელეკომპანია "იმედის" ეთერში.