საქართველოს თავდაცვის მინისტრი ლევან იზორია აცხადებს, რომ სიტუაცია ბორჯომში, სტიქიის ზონაში გამოსწორებულია. იზორიას თქმით, აღნიშნული ვერტმფრენიდან მონიტორინგის შედეგად დადგინდა:

„ვერტმფრენიდან განხორციელებული მონიტორინგის შედეგად დავადგინეთ, რომ სტიქიის ზონაში მდგომარეობა აშკარად გამოსწორებულია. სამწუხაროდ, ქარი კერების გაღვივებას უწყობს ხელს. თითოეული უწყება, პრემიერ-მინისტრის ხელმძღვანელობით, აქტიურად არის ჩართული, რომ პარტნიორების მხარდაჭერით და ჩვენი შესაძლებლობების მაქსიმალურად გამოყენებით მოხდეს ამ კერების ლოკალიზება.

არც ერთი უწყება ძალ-ღონეს არ იშურებს, რათა ადამიანების სიცოცხლეს საფრთხე არ შეექმნას. მიმდებარე სოფლების მოსახლეობის დაცვის მიზნით, მაქსიმალურს აკეთებენ", - განაცხადა ლევან იზორიამ.