ხანძარი ბორჯომის ტყეში - პრეზიდენტი საპარლამენტო მდივანი სტიქიის ზონაშსი შეიარაღებული ძალების ჩართვის საკიტხზე კომენტარს აკეთებს. ანა დოლიძე ჟურნალისტებთან საუბრისას აცხადებს, როდესაც გაჩნდა შეიარაღებული ძალების შემადგენლობის ჩართვის აუცილებლობა, სწორედ მაშინ იქნა ეს მოთხოვნილი შესაბამისი პირების მიერ:

,,როდესაც გამოჩნდა შეიარაღებული ძალების შემადგენლობის ჩართვის აუცილებლობა, სწორედ მაშინ იქნა ეს მოთხოვნილი შესაბამისი პირების მიერ, ვინც ყოველწამიერად არის ჩართული ამ ოპერაციაში. სწორედ მაშინ იქნა გადაწყვეტილება მიღებული შეიარაღებული ძალების ჩართვის შესახებ. დარწმუნებული ვარ, რომ ბევრს აქვს კითხვა ამასთან დაკავშირებით. თუმცა, როცა ყველაფერი დასრულდება, იქნება ოპერაციის სიღრმისეული ანალიზი, კვლევა, გამოძიება და მასზე მსჯელობა. ჩვენი მხრიდან ყველაზე სწორი იქნება კონცეტრირება მოვახდინოთ იმაზე, რომ წარმატებით დავამარცხოთ ეს ხანძარი. ამის შემდეგ დარწმუნებული ვარ, ყველა ჩვენთაგანს ექნება ბევრი რამ სასწავლი და გასაანალიზებელი.

ჩვენ საქმე გვაქვს ძალიან სერიოზულ სტიქიასთან. ფართომასშტაბიან სტიქიურ მოვლენებთან. ბუნებრივია, როგორც კი დასრულდება მასთან გამკლავება, ისე როგორც ხდება ყველა ევროპულ სახელმწიფოში, შემდეგ ძალიან ბევრი დაფიქრება და ვითარების შესწავლა იქნება აუცილებელი. იქნება ეს სისხლის სამრთლის საქმე თუ უბრალოდ ანალიტიკური“, - განაცხადა ანა დოლიძემ.