,,არცერთი პარტია ძირეულ საარჩევნო სისტემას, ხელისუფლების საკენკში არ გაცვლის“

,,არცერთი პარტია ძირეულ საარჩევნო სისტემას, ხელისუფლების საკენკში არ გაცვლის“ - გიორგი ახვლედიანი

პოლიტიკა - 18:07, 22 Aug, 2017

1036

საკონსტიტუციო ცვლილებებთან დაკავშრებით საპარლამენტო უმრავლესობამ მეორე წერილი ინტერპარტიული ჯგუფისგან მიიღო.

როგორც წერილშია აღნიშნული პარტიები ხელისუფლებას 4-პუნქტიანი მოთხოვნით მიმართავენ.

რაც შეეხება, წერილზე კიდევ ერთ ხელმომწერს, ნინო ბურჯანაძის „დემოკრატიული მოძრაობას“, პარტიის წევრი გიორგი ახვლედიანი აცხადებს, რომ იმ შემთხვევაში თუ მათი მოთხოვნები არ დაკმაყოფიდება, ისინი მოლაპარაკებებს დატოვებენ.

„კიდევ ერთხელ მივწერეთ ხელისუფლებას ძალიან დერალურად, რომ იმისათვის, რათა საარჩევნო სისტემა იყოს სამართლიანი ქვეყანაში, ამისათვის ეს საარჩევნო სისტემა უნდა იყოს პროპორციული, ეს უნდა იყოს გადაუნაწილებელი მანდატების პროპორციულად გადანაწილების წესი, მესამე, ეს უნდა იყოს ბლოკების შენარჩუნება, მეოთხე - ეს უნდა იყოს ბარიერის ხუთიდან სამ პროცენტამდე დაწევა, ხოლო პრეზიდენტის არცევითობა უნდა იყოს მუდმივად განსაზღვრული პირდაპირი წესით კონსტიტუციაში, ეს არის ის, რასაც მთელი ოპოზიცია ერთმნიშვნელოვნად დაუჭერს მხარს, როგორც კი შეხვედრაზე ხელისუფლება დააფიქსირებს, რომ ისინი მაჟორიტარული სისტემის შსენარჩუნებას აპირებენ და ამის სანაცვლოდ ცდილობენ რაღაც საკენკები გადმოუყარონ ოპოზიციას, ჩვენ იმწამსვე დავტოვებთ მოლაპარაკებას, რადგან იქ აღარაფერი გვესაქმება, იმედი მაქვს, რომ არცერთი ოპოზიციური პარტია არ ჩაიყენებს თავს იმ მდგომარეობაში, რომ რაღაც საკენკის გამო ამხელა ძირეული საარჩევნო სისტემა გაცვალოს“, - აცხადებს გიორგი ახვლედიანი.

ცნობისათვის, გუშინ 11-მა პოლიტიკურმა პარტიამ, რომელთა შორისაა საპარლამენტო პარტიები, ხელისუფლების ლიდერს არჩილ თალაკვაძეს საკუთარი წინადადებები გადაუგზავნეს, რომლის გათვალისწინებასაც ისინი საკონსტიტუციო რეფორმაში პრინციპულად მიიჩნევენ.

როგორც 11 პარტიის ერთობლივ განცხადებაშია აღნიშნული, ოპოზიცია კონსენსუსის მიღწევისთვის დიალოგის დასაწყებად აუცილებელ პირობად მიიჩნევს, 2020 წელს არჩევნების სრულად პროპორციული სისტემით ჩატარებას, მანდატების სამართლიან გადანაწილების პრინციპს და პრეზიდენტის საყოველთაო პირდაპირი წესით არჩევას. პოლიტიკური პარტიები ხაზს უსვამენ, რომ „ქართული ოცნების” მხრიდან პოზიციის გაზიარების შემთხვევაში, მზად არიან შევიდნენ დიალოგში საკონსტიტუტციო რეფორმის სხვა საკითხებთან დაკავშრებით.