,,ხელისუფლებას თუ სურს კონსტიტუციის იმიტაცია, მაშინ მასთან ის პარტიები დასხდებიან, რომლებიც იმიტაციაში შეუწყობენ ხელს“

,,ხელისუფლებას თუ სურს კონსტიტუციის იმიტაცია, მაშინ მასთან ის პარტიები დასხდებიან, რომლებიც იმიტაციაში შეუწყობენ ხელს“ - შავგულიძე

პოლიტიკა - 18:03, 22 Aug, 2017

1084

„თავისუფალი დემოკრატების“ ლიდერის შალვა შავგულიძის თქმით, ხელისუფლებასთან კონსენსუსის მიღწევის ერთ-ერთი უმნიშვნელოვანესი წინაპირობა პროპორციულ საარჩევნო სისტემაზე გადასვლაა. შავგულიძის თქმით ის პარტიები, რომლებიც ძირითადი პრინციპების დათმობის სანაცვლოდ ხელსუფლების მზრიდან წამოსულ წინადადებებს დათანხმდებიან, ხელს შეუწყობენ იმას, რომ მმართველმა გუნდმა კონსენსუსის იმიტაცია შექმნას და ერთპიროვნული კონსტიტუცია მიიღოს:

“გამოდის რომ ხელისუფლებას მის მიერ ერთპიროვნულად მიღებულ კონსტიტუციურ კანონზე სურს მიაღწიოს რაღაც კონსენსუსის იმიტაციას, ვინაიდან არავის არსად არც კი უფიქრია ისეთ კონსესუსზე და არ უმსჯელია, რომ შენარჩუნებული იქნებოდა მაჟორიტარულ-პროპორციული შერეული სისტემა. აქედან გამომდინარე თუ ხელისუფლებას მართლაც სურს კონსენსუსის მიღწევა, ის უნდა დაუბრუნდეს ამას, ასეთ შემთხვევაში ჩვენ დავსხდებით მაგიდასთან, თუ სურს კონსტიტუციის იმიტაციის შექმნა, მაშინ მასთან დასხდებიან სალაპარაკოდ ის პოლიტიკური პარტიები, რომლებიც ხელისუფლებას ხელს შეუწყობენ კონსენსუსის იმიტაცია შექმნას“- განაცხადა შავგულიძემ.

ცნობისათვის, გუშინ 11-მა პოლიტიკურმა პარტიამ, რომელთა შორისაა საპარლამენტო პარტიები, ხელისუფლების ლიდერს არჩილ თალაკვაძეს საკუთარი წინადადებები გადაუგზავნეს, რომლის გათვალისწინებასაც ისინი საკონსტიტუციო რეფორმაში პრინციპულად მიიჩნევენ.

როგორც 11 პარტიის ერთობლივ განცხადებაშია აღნიშნული, ოპოზიცია კონსენსუსის მიღწევისთვის დიალოგის დასაწყებად აუცილებელ პირობად მიიჩნევს, 2020 წელს არჩევნების სრულად პროპორციული სისტემით ჩატარებას, მანდატების სამართლიან გადანაწილების პრინციპს და პრეზიდენტის საყოველთაო პირდაპირი წესით არჩევას. პოლიტიკური პარტიები ხაზს უსვამენ, რომ „ქართული ოცნების” მხრიდან პოზიციის გაზიარების შემთხვევაში, მზად არიან შევიდნენ დიალოგში საკონსტიტუტციო რეფორმის სხვა საკითხებთან დაკავშრებით.