ბორჯომის ხეობაში განვითარებულ მოვლენებს პრეზიდენტი გამოეხმაურა

პოლიტიკა - 12:30, 22 Aug, 2017

1689

საქართველოს პრეზიდენტი გიორგი მარგველაშვილი ბორჯომის ხეობაში განვითარებულ მოვლენებს გამოეხმაურა. გიორგი მარგველაშვილმა მადლობა გადაუხადა პარტნიორ ქვეყნებს, აზერბაიჯანსა და თურქეთს სტიქიასთან ბრძოლაში გაწეული დახმარებესთვის. პრეზიდენტის თქმით ხანძრის ლოკალიზებისთვის სამუშაოები აქტიურად მიმდინარეობს და პანიკის საფუძველი არაა:

„მინდა განსაკუთრებული მადლობა ვუთხრა მეხანძრეებს, მაშველებს იმ ადამიანებს ვინც ეს დღეებია გმირულად ებრძვის ხანძარს. ამასთან ერთად მინდა აღვნიშნო რომ მობილიზებულია როგორც ჩვენი ასევე მეზობელი სახელმწიფოს რესურსები და მადლობა მინდა ვუთხრა ჩვენს მეგობრებს აზერბაიჯანიდან და თურქეთიდან, რომლებიც სტიქიის ლიკვიდაციაში გვეხმარებიან. მადლობა მინდა ვუთხრა ყველა იმ ადამიანს ვინც ამ პროცესშია ჩართული, საკმაოდ მაღალი კოორდინაცია არის, პრემიერი და მინსიტრები იმყოფებიან იქ და ამ უბედურებასთან გამკლავების პროცესში აქტიურად არიან ჩართულნი, მინდა მადლობა ვუთხრა საზოგადოებას და მოხალისეებს, რომლებიც ამ პროცესში არიან ჩართულნი და ამავე დროს მინდა ვთხოვო მათ, რომ არაფრის დიდებით დამოუკიდებელი ღონისძიებები არ განახორციელონ, თავიანთი დახმარება შესთავაზონ შტაბს, რომელიც ამ მიმართულებით მუშაობს და ამ შემთხვევაში იქნება ეს დახმარება ეფექტური. მადლობთ თქვენი სამოქალაქო ორგანიზებისათვის. ასევე მინდა ვუთხრა მოსახლეობას, რომ დასახლებულ პუნქტებს საშიშროება არ ემუქრება , მიმდინარეობს მუშაობა ხანძრის ლოკალიზებისთვის და არანაირი პანიკის საფუძველი არ არის, გამომდინარე იქიდან რომ ოპერატიულად მუშაობს ადგილობრივი თვითმმართველობა და მედიაც.“- განაცხადა გიორგი მარგველაშილმა.