ეროვნული სატყეო სააგენტოს უფროსის ინფორმაციით, ბორჯომის ხეობაში ხანძრის შედეგად 12 ჰექტარზე მეტია დამწვარი. თორნიკე გვაზავას თქმით ხანძრის ზონაში პერიოდულად ახალი აალებები ხდება, რისი მიზეზიც ძლიერი ქარია. სწორედ ძლიერი ქარი უშლის ხელს მეხანძრეებსა და მეტყევეებს ხანძრის ლოკალიზებაშიც.

გარემის დაცვის სამინისტროს ინფორმაციით, ბორჯომის რაიონში სტიქიის სალიკვიდაციო სამუშაოები მთელი ღამის გამავლობაში მიმდინარეობდა. ხანძრის ჩასაქრობად მობილიზებული იყო რამდენიმე ათეული სახანძრო-სამაშველო ბრიგადა 300 -ზე მეტი მეხანძრე, 120 მეტყევე, გარემოს დაცვის, ინფრასტრუქტურის, სოფლის მეურნეობისა და სხვა სტრუქტურების წარმომადგენლები. გაიჭრა დამატებით 3 კილომეტრიანი გზა არჯევანის ტყიდან ხანძრის მიმართულებით თროთის მთამდე. შემთხვევის ადგილზე დილიდან მუშაობს 3 ვერტმფრენი. რამდენიმე საათში სამაშველო სამუშაოებს თურქეთის რესპუბლიკიდან დამატებითი ვერტმფრენი შემოუერთდება.