აზერბაიჯანის საგანგებო სიტუაციების სამინისტრომ ქვეყნის პრეზიდენტის, ილჰამ ალიევის დავალებით საქართველოში, ბორჯომ-ხარაგაულის ტყეში გაჩენილი ცეცხლის ჩაქრობის ოპერაციაში დასახმარებლად ვერტმფრენი გამოგზავნა. ამის შესახებ ინფორმაციას აზერბაიჯანული სააგენტო APA.az ავრცელებს.

ვერტმფრენი, რომელიც აღნიშნული საქმისთვის იქნა გამოგზავნილი აზერბაიჯანის თავდაცვის სამინისტროს კუთვნილებაა. სააგენტოს ცნობით, იგი მომავალშიც დაეხმარება მეზობელ ქვეყნებს ძლიერი ხანძრის ჩაქრობაში.