სხვა ოპოზიციური პარტიების მსგავსად საკონსტიტუციო ცვლილებებში ერთერთ უმნიშვნელოვანეს საკითხად საარჩევნო სისტემა მიაჩნია „პატრიოტთა ალიანსსაც“. ირმა ინაშვილის თქმით სწორედ საარჩევნო სისტემის ცვლილება იქნება ერთ-ერთი მთავარი მოთხოვნა საპროტესტო აქციებზე, რომლის გამართვასაც „პატრიოტთა ალიანსი“ საარჩევნო კამპანიის წარმოების პარალელურად გეგმავს. აღნიშნული განცხადება ინაშვილმა დღეს მმართველი გუნდისა და ოპოზიციის შეხვედრის დაწყებამდე გააკეთა, რომელიც საკონსტიტუციო ცვლილებებთან დაკავშირებით კონსენსუსი მისაღწევად იმართება:

„ჩვენ ერთის მხრივ ვმონაწილეობთ არჩევნებში, მეორეს მხრივ დაგეგმილია ჩვენი საპროტესტო აქციები, რომელიც 17 სექტემბრიდან იწყება, ამ აქციების ერთ-ერთი მთავარი მოთხოვნა არის საარჩევნო სისტემის შეცვლა.“- განაცხადა ირმა ინაშვილმა.