„ევროპელი დემოკრატების“ ლიდერის პაატა დავითაიას თქმით საკონსტიტუციო ცვლილებებთან დაკავშირებით კონკრეტულ საკითხებზე მსჯელობა შესაძლებელი იქნება მაშინ როდესაც გაირკვევა რა დათმობაზე წასვლისთვის არიან მზად მხარეები. აღნიშნული განცხადება დავითაიამ საკონსტიტუციო რეფორმასთან დაკავშირებით, მმართველ გუნდსა და ოპოზიციას შორის შეხვედრის დაწყებამდე გააკეთა:

„ჩვენ არ ვიცით ხელისუფლების პოზიცია, რა დათმობაზე მოდიან ისინი. გარდა იმისა რაც 2 მოსმენით იყო მიღებული. აქედან გამომდინარე მოვისმენთ ხელისუფლების პოზიციას და მერე შეიძლება მსჯელობა. შემდეგ უნდა შედგეს მსჯელობა ოპოზიციურ პარტიებს შორისაც, მოქმედებებთან დაკავშირებით, იმიტომ რომ თუ რაღაც დათმობაზე გვაქვს საუბარი, ეს უნდა იყოს ორმხრივი მოძრაობა და ამაში ყველაფერი უნდა იყოს გათვალისწინებული. რაც შეეხება ბუნებრივ ბარიერს ამის ცალკე განხილვა შეუძლებელია.“- განაცხადა პაატა დავითაიამ.