სემეკ-ის შენობაში „ლეიბორისტული პარტიის“ ლიდერი შალვა ნათელაშვილი მივიდა. საუბარია სემეკის სხდომაზე არსებულ დაპირისპირებაზე, რომლის ფარგლებში გიორგი გუგავამ სხდომის შეწყვეტა მოითხოვა და მარეგულირებელს ტარიფების ზრდაზე უარის თქმა მოსთხოვა.

შალვა ნათელაშვილიც, თანაპარტიელ გიორგი გუგავას მსგავსად, სემეკ-ის მიერ "თელასის" სატარიფო განაცხადის განხილვის გადაწყვეტილებას აპროტესტებს.

"როგორც სიყვარული მთავრდება ლოგინით, ასევე მთავრდება ეს პროცესი ტარიფის გაძვირებით. ისინი უფლებააყრილები არიან. აქვთ 20 ათას ლარიანი ხელფასები და ამას ვერ ელევიან, უარი თქვით კომისიის სხდომის გაგრძელებაზე", - განაცხადა შალვა ნათელაშვილმა.