ოპოზიცია კონსულტაციებში პრეზიდენტის ჩართვას საჭიროდ მიიჩნევს, ხელისუფლება შეხვედრის კონკრეტულ მიზნებზე საუბრობს

პოლიტიკა - 18:47, 17 Aug, 2017

994

საკონსტიტუციო ცვლილებებზე კონსულტაციების დაწყება შესაძლოა პრეზიდენტსა და უმრავლესოაბს შორის კიდევ ერთი დაპირისპირების მიზეზი გახდეს, კონსულტაციებზე პრეზიდენტის წარმომადგენელი მიწვეული არ არის.

„რაც შეეხება ამ შეხვედრას, მას აქვს ძალიან კონკრეტული შინაარსი, არის პოლიტიკურ ჯგუფებს შორის კონსესუსის მოძებნისთვის ფორმა, ამ შეხვედრას აქვს სწორედ ეს დატვირთვა, თუ ვინმე ეძებს რაიმე ახალ საბაბს, შემდეგი კონფლიქტური თემის შექმნისთვის, ამ შეხვედრასთან ამ თემების დაკავშირება არ იქნება გონივრული, შეხვედრას აქვს კონკრეტული შინაარსი, ეს არის დიალოგი იმისთვის, რომ კონსესუსის გზით ვიაროთ“, - აცხადებს ეკა ბესელია.

ოპოზიციაში მიიჩნევენ, რომ პრეზიდენტის ჩართვა კონსულტაციებში აუცილებელია.

„პრეზიდენტის ინსტიტუტი დიდი ლეგიტიმურობით ჩვენთან საჭიროა, როგორც დამაბალანსებელი, ერთი მხრივ. მეორე, პოლიტიკაში ხალხის მონაწილეობის მთავარი გარანტი. ამიტომ, პრეზიდენტი ამაში უნდა იყოს ჩართული, ცხადია,“ - აცხადებს ნიკა რურუა.

„რაც შეიძლება, მეტი ძალა უნდა იყოს ჩართული ამ პროცესში, პრეზიდენტის ადმინისტრაცია, სხვა დაინტერესებული მხარე და მხოლოდ ასეა შესაძლებელი ამ ჩიხური ვითარებიდან გამოსვლა,“ - აცხადებს ლევან თარხნიშვილი.

მმართველ გუნდსა და ოპოზიციურ პარტიებს შორის შეხვედრა ხვალ 18 აგვიტოს გაიმართება, შეხვედრას არჩილ თალაკვაძე უხელმძღვანელებს.