Gem Fest-ის ფარგლებში შესაძლო ფინანსური ხასიათის დარღვევებთან დაკავშირებით ფინანსთა სამინისტროს საგამოძიებო სამსახურმა გამოძიება დაიწყო.

ფესტივალის თანამშრომლების ნაწილი რამდენიმე დღის განმავლობაში აქციებს მართავდა, ისინი ხელშეკრულებით გათვალისწინებული ანაზღაურების მირებას ითხოვდნენ, ასევე საუბარი იყო არა ერთ პრობლემაზე, რომელიც ფესტივალის ფარგლებში წარმოიქმნა, მათ შორის წარუმატებელ ბიზნესზე და ზარალზე. ამ ყოველივეს შემდეგ ფესტივალის ორგანიზატორი, გიორგი სიგუა საქართველოში დაბრუნდა და საგამოძიებო უწყებაში დაკითხვაზეა დაბარებული.

„სწორედ ამისთვის ჩამოვედი საქართველოში, ვიმყოფებოდი ევროპაში ჩვენს უცხოელ პარტნიორებთან. წესით არ უნდა ჩამოვსულიყავი ასე მალე, მაგრამ როგორც კი გავიგე, რომ ფინანსთა სამინისტროს საგამოძიებო სამსახური დაინტერესდა ფესტივალის საქმიანობით, სწორედ იმისთვის, რომ არ ჩათვალოს ვინმემ, რომ ვიმალები ან სადმე გავიქეცი, სასწრაფო წესით ჩამოვედი“, - აცხადებს სიგუა.