საკონსტიტუციო ცვლილებებთან დაკავშირებით მმართველი გუნდი ოპოზიციასთან შეხვედრის მოლოდინშია. თარიღი ჯერჯერობით ცნობილი არაა, ამასთანავე უმრავლესობა არ აკონკრეტებს რა დათმობაზე აპირებს წასვლას:

„კონკრეტიკაზე საუბრისთვის დღეს არ ვარ ჩამოყალიბებული, ვინაიდან შეხვედრა, რომელიც იმედია შედგება, გადაწყვეტს ძალიან ბევრ საკითხს. რაზე ვართ დათმობაზე წამსვლელი ჩვენ, რაზე არის ოპოზიცია დათმობაზე წამსვლელი, ეს გაირკვევა. სანამ გადავწყვეტთ სტრასბურგში თუ ევროპის სხვა ქალაქში გამგზავრებას, შიდა კონსულტაციები საჭიროა,“ - განაცხადა გია ვოლსკიმ.

ოპოზიციისთვის მთავარ საკითხებად მაჟორიტარული სისტემის 2020 წელს გაუქმება და პრეზიდენტის პირდაპირი წესით არჩევა რჩება. მათი თქმით ხელისუფლების მხრიდან გაჟღერებული ბუნებრივი ბარიერის საკითხი უბრალო სატყარაა და ხელისუფლების მხრიდან ძირეული დათმობის გარეშე დიალოგს აზრი არ ექნება.