არაოფიციალური ინფორმაციით, ტურიზმის ეროვნული ადმინისტრაციის ხელმძღვანელმა, გიორგი ჩოგოვაძემ, თანამდებობა დატოვა. ინფორმაციას ამის შესახებ „რუსთავი2“ ავრცელებს.

გიორგი ჩოგოვაძემ პოსტის დატოვების გადაწყვეტილება სავარაუდოდ GEM Fest-თან დაკავშირებული სკანდალის გამო მიიღო. ფესტივალი ტურიზმის ადმინისტრაციამ 1.9 მილიონი ლარით დააფინანსა. თუმცა ის ფინანსური მოლოდინი რაც ფესტივალის ორგანიზატორებს ქონდათ არ გამართლდა და ორგანიზატორებს დავალიანებების ანაზღაურების პრობლემები შეექმნათ.

განმუხურსა და ანაკლიაში რამდენიმე დღეა საპროტესტო აქციები გრძელდება. GEM Fest-ზე დასაქმებულების შემდეგ, ხელშეკრულებით გათვალისწინებული თანხის მიღებას ტურისტებზე გასაქირავებლად მომზადებული ბინების მეპატრონეებიც ითხოვენ.