„ნიუპოსტი“ უკვე წერდა, რომ 1978 წელს, გაზეთ „ახალგაზრდა კომუნისტში“, რეზო ამაშუკელმა მერაბ კოსტავასა და ზვიად გამსახურდიაზე უბინძურესი სტატია - „ღამურები“ გამოაქვეყნა, რომელშიც წერდა:

„კოსტავა და გამსახურდია სოციალისტურ სამშობლოს ლანძღავენ რადიო „ამერიკის ხმასა“ და „თავისუფლებაში“.

ამ პასკვილის საპასუხოდ, დისიდენტებმა ამაშუკელს დისიდენტურ ჟურნალში ლექსი მიუძღვნეს:

„სხვის სამრეკლოზე შეკიდულო, მართლაც, ღამურა,

შურმა და მტრობამ შენი გული სულ მთლად გამურა,

ამხანაგები დააბეზღე მდივნობის ეშხით,

მაგ სავარძელში დღეს იხრწნება ეგ შენი ლეში!

გეგონა ლექსი გქონდა გულის ამაჩუყელი,

გმოს შენს საქციელს ყველა ნაღდი ამაშუკელი!“

აღსანიშნავია, რომ დისიდენტების მიერ რეზო ამაშუკელისადმი „მიძღვნილი“ ლექსი პირველად ქვეყნდება.