საპარლამენტო უმრავლესობის ერთ-ერთი ლიდერი გია ვოლსკი, რუსთავი2-ს „პრანკერებისა და შს მინისტრის საუბრის ჩანაწერის“ თემით სპეკულირებაში ადანაშაულებს. ამასთანავე ვოლკი უარყოფს სააკაშვილის ადვოკატის მხრიდან წამოსულ ბრალდებას, რომ საქართველოს ხელისუფლება უკანონო თვალთვალს ახორციელებს იმ უცხოელ პოლიტიკოსებზე, რომლებსაც სააკაშვილთან ურთიერთობა აქვთ:

„არ არის ეს მიღებული წესი, რომ უსმინო ადამიანს, რომელიც არ წარმოადგენს საშიშროებას ჩვენი ქვეყნისათვის და დაარღვიო კანონი. ამასთან დაკავშირებით მე ვატყობ, რომ თქვენ პირადად თქვენ და თქვენს ტელევიზიას უნდა გრძელი ლაპარაკი ადამიანების, რომ მთლიანად ეს ლაპარაკი გავიდეს ეთერში, როგორც ამას აკეთებთ ბოლო პერიოდში. ეს ყველაფერი დაკავშირებულია სააკაშვილის მიმართ პრეტენზიების თემის გაცოცხლებაზე, რომელიც სასამართლო სხდომებმა გამოიწვია. მიკროფონით და კამერით გამოკიდება, ვითომ პასუხის გაცემა არ უნდა რესპოდენტს და თქვენ აცივდებით და ის გარბის, ეს ყველაფერი არის შემადგენელი იმ სტრატეგიის, რომელიც თვენ დაგეგმეთ გვარამიასთან ერთად.“- განაცხადა გია ვოლსკიმ.