„დიალოგი ორიენტირებული უნდა იყოს შედეგზე“ - ბაჩუკი ქარდავა ხელისუფლების ინიციატივას პასუხობს

პოლიტიკა - 18:20, 15 Aug, 2017

1071

საპარლამენტო უმრავლესობის ლიდერმა არჩილ თალაკვაძემ დღეს გამართულ საგანგებო ბრიფინგზე საკონსტიტუციო რეფორმაზე განცხადება გააკეთა და განაცხადა, რომ უმრავლესობა მზად არის აღნიშნულ საკითხზე კონსულტაციები კვლავ ჩაატაროს ოპოზიციურ პარტიებთან.

უმრავლესობის შეთავაზებას ეხმაურება „ეროვნულ-დემოკრატიული პარტიის“ ლიდერი ბაჩუკი ქარდავა. თალაკვაძის განცხადებას ასევე გამოეხმაურნენ „ეროვნულ-დემოკრატიული პარტიის“ ოფისში შეკრებილი „დაიცავი კონსტიტუციის“ წევრი პარტიების ლიდერებიც:

„ქართულმა ოცნებამ ორი მოსმენით მიღებული კონსტიტუციის პროექტი ფაქტობრივად მოირგო საკუთარ თავზე, რომლის მთავარი ამოცანა და მიზანი იყო ხელისუფლების მთავარი წყაროს, ხალხის თამაშგარეთ დატოვება. ფაქტია საერთაშორისო თანამეგობრობის ჩარევით, ოპოზიციის ჩარევით და ქართული საზოგადოების განწყობით, ამის საშუალება ხელისუფლებას არ მიეცა და ისინი იძულებული გახდნენ დათანხმებოდნენ მოლაპარაკებებს ოპოზიციასთან. 6 სექტემბერს ალბათ გაიმართება მოლაპარაკება, დიალოგი სტრასბურგში ვენეციის კომისიის მოდერატორობის ქვეშ, მაგრამ მანამდე თუ რაღაც შედეგს მივაღწევთ მოლაპარაკებებით, ამაში ცუდი არაფერი არ არის, ოპოზიცია ყოველთვის მზად იყო დიალოგისთვის, ჩვენ მზად ვართ ამ დიალოგისთვის, მაგრამ ეს დიალოგი ორიენტირებული უნდა იყოს შედეგზე და შედეგი რა არის? ქვეყანაში არჩევნების გზით ხელისუფლების ცვალებადობის დამკვიდრება ანუ სრულად საარჩევნო სისტემის შეცვლა, პრეზიდენტის არცევის წესის შენარჩუნება და საარჩევნო სისტემის ისეთი მოდელის შექმნა, რომელიც არა ქართულ ოცნებას ან რომელიმე ხელისუფლებას გამოადგება, არამედ სჭირდება ქართველ ხალხს და ქართველ ამომრჩეველს“, - განაცხადა ბაჩუკი ქარდავამ.