ერთიანი ნაციონალური მოძრაობის წევრი ნიკა რურუა, საკონსტიტუციო ცვლილებებთან დაკავშირებით მმართველი გუნდის მხრიდან კონსულტაციების დაწყების შემოთავაზებას ეხმაურება. რურუას თქმით ახალი ამაში არაფერია, ხელისუფლება კონსულტაციებთან დაკავშირებით მზადყოფნას აქამდეც აცხადებდა, თუმცა ისეთ წინაპირობებს აყენებდა, რომ ეს მხოლოდ ლაპარაკად რჩებოდა:

„ისინი სულ იმეორებენ რომ მზად არიან კონსულტაციებისთვის, მაგრამ აქამდე ისეთ წინაპირობებს აყენებდნენ, რომ ეს ცარიელ ლაპარაკად რჩებოდა და ამ დრაკონული მოდელის შეცვლასთან საერთო არაფერი არ ქონდა, ჩვენ მზად ვართ ჩიხიდან გამოსავალი ვეძებოთ, რადგან კონსტიტუცია არის ყველასი და თუ „ქართული ოცნება“ მიხვდება და მზად იქნება ქვეყნის გამოწვევებზე მორგებული დოკუმენტის მისაღებად, ამაში ცხადია მონაწილეობას მივიღებთ, თუ ამას დათანხმდებიან ცხადია შეიძლება კონსენსუსი შედგეს. „- განაცხადა რურუამ.

მისი თქმით კონსენსუსის მისაღწევად აუცილებელია პროცესი დაუბრუნდეს იმ ეტაპს, როდესაც პროექტი გულისხმობდა 2020 წელში პროპორციულ საარჩევნო სისტემაზე გადასვლას.

„თუ ამ მოცემულობას დავუბრუნდებით, ცხადია ლაპარაკს აზრი აქვს, თუ მათ ისე ის მოდელი მოახვიეს ხალხს თავს, რომელმაც აღაშფოთა ვენეციის კომისია, მაშინ ამას აზრი არ ექნება. აუცილებელია რომ 2020-ში გადავიდეთ პროპორციულ სისტემაზე და დანარჩენ დეტალებზე შეიძლება ლაპარაკი. ასევე პრიმციპულია საქართველოს პრეზიდენტის პირდაპირი წესით არჩევის საკითხიც. პარტიუილი ინტერესები არის მეორეხარისხოვანი , მთავარია ქვეყნის ინტერესები“- აღნიშნა რურუამ.